Петтата епизода од трета сезона на серијалот „На иста страна“ успеа да го урне досегашниот рекорд на гледаност. Епизодата која ја обработуваше темата за национализам и патриотизам во Македонија, беше гледана од рекордни 111 237, AMR од 5.84% и SHARE од 22,17% со што го надмина претходниот рекорд за речиси 25 000 гледачи. Еден од главните фактори за успехот кој го постигнува третата сезона е новиот термин кој го доби емисијата во Недела 14:14, но и тоа што „На Иста Страна“ се етаблираше како препознатлив бренд во македонскиот етер и има создадено голема група на редовни гледачи. Тимот на продукцијата Медиум очекува дека овој тренд на зголемен број гледачи на емисијата ќе продолжи и понатаму, бидејќи во зимските месеци од годината бројот на гледачи пред телевизиските екрани е многу поголем.